Khovel pilna leh siamna a khantouh dungzui in, mite buaipih pen tuh nekmuhna/laisimna leh Damtheihna ahi chileng khial lawm lawm din kaki gingta kei hi. Damtheihna a poimoh dan a damtheilou ten a theichiang mah mah ua, midamthei te a eng mah mah uhi. 'Mihing adia I goumanpha pen tuh I damtheihna ahi' chih leng I thei vek uhi.
"Ngaih lenna lamka Vangkhua" Chih laa Headphone a ngai heuh heuh kawm a sun nisatluat ma a tungtouh man di chi in Lamka lam manoh in kinoh hehu louhial in kong kipan khia hi. Aw, Lamka vangkhua, mite'n na sakmin CCPur hon chi mahleh kei din zaw Lamka na hitawn tung ding chihna lungsim nei kawm in ka tunna ding mun ah ka tawldam ta hi. Lamka khopi sung buan a nawi louh sungin leivui khu a, himahleh, Lenna leh seilet na mun zaw anuam tel mai, Tanglai a Israel te Zion khopi ngai a kah ngoih ngoih bang in Kahkhum ut huai kasa mai hi.
EPIC, Biometrics lakding leh complaint di om te hiai hun hiai hun chih khawng niteng tanchinbu te a hong tuang zeng zung chiang in, Ki telna (ELECTION = Eilam te a dia Selection) hun naita ahi chih mimawl tawp in leng theisiam ding in gingta ing.
Hun leh nite mualliam zel in, phalbi khovot te bang hong tung pah thi the sakna toh kidim a ka om lai in, phalbi mangsia a chih te uh adiam chia ka khodah vel vel chiang in, mangsia leh mang hoihlou te hilou in, I gamsung a thiltung ten hon sulung ziing zou mah mah hi.
I gam a siatna, giitlouhna leh kihdak huai thil, nidang a TV leh News Channel tuam tuam a I na muh uleh I simkhak te uh, a thu kia a zaa himai lou in I gam ah hong tung ahi maw? Huchi ahih leh bang chi bang a panlak hoih a? Sing bang leng a nou ahih lai in ut leh dah a zik sihtan lel in leng chiangkang lel suah sak theih ahi a, a hong let chiang in zaw, Thagum leh thatang suah a phuk ek ngai ahi, Baih leng a baih sam kei hial! a nou lai toh teh in.
"Dangka sum deihtak zaw gilou chiteng bul ahi ngala; huaituh khenkhatten a eng ua, ginna a pai mangsan ua, amau leh amau lungkhamna tampiin a kisunlet tektok uhi." Sun nisa ving veng thuak khinphet, khawl tawl dam dia tutna tung a ka tutsuk laitak in, SMS tungtawn a news service te apan in hiai bang in SMS ka dong hi. "LamkaLIIMLANG: Dan enkol dia seh Police te,n lamka ah verification na din dan kalh in alangtang in sum ngen uh. MDC te'n panlak kuul. Pan honla duam?" Hiai thuthak ka simzoh phet in khemkhem chih na lungsim toh ka delete dek laitak in ngaihtuah na tuam deuh khat mai in ka lungsim hon luah den hi. Bangziak a police ten verification na di a sum la uh hiam? Bang toh kisai a verification ngai om hiam? Sum a lak uh kua teng in a theihpih dia?
Mihing i mel a tuam dungzui in ngaihtuahna leh lunglutna chi tuam tuam kinei hi. I omna mun a khantouh leh khantouhlouh dungzui in a chetdan leh khohei dan a bang tan hiam muh theih in om hi.
Kum bangzah hiam paisa in I khopi uh LAMKA pawtsan in nekzon theih nang ngaihtuah in Vaigam ah kum bangzah hiam ka hun kava zang hi.Innlam ka kik tuung lai in, nitak chiang leh Electric ka poimoh chiang in haksa ka sa lo mawk hi. I neu a pan ina khankhiak na, meivak ginatlouh na mun himahleh,
Connection, November 2011