Tuesday, 16 August 2011 07:55
Vanpoimoh neuh neuh lei ding ka neihziak in kenle Bazar lam manoh in ka paisuk hi, Facebook a Group tuam tuam a Lamka a vai Mahajon te a gen veu sek uh kenle a taktak in ka va tuak kha ka chilou theikei hi. Neulai khawng a Vai sumdawng te kamsiam dan leh Mi zolzoh nate uh mitkha ah hong lang dun dun mai hi. Ka thil leidek thupi lua le zo hikei, TALAB Gutkha ahi, Printed Price (MRP inclusive of all taxes) ah Rs. 60 ahi, Himahleh Rs. 130 in a zuak a, kuamah a kiam thei kei uhi. Duh ihih chia leimai ngai ahi chih a theichian mah mah uhi. Inn ka tun tan in ka vanman piak Ka lungsim a tham den hi. Van 60 man kigelh gegu na pi 130 a valei mawk, a profit didan hisap le a sumpi tellou a le 110% val himawk ka chih chiang in Lamka a vaite Hauhsak na thuguk khat hiding in gingta tinten in. Mi khenkhat te a dingin housim bangmah leh, Talab ne gige a tatsat lou mibang zah hiam te sukha ve ve ding in ka ngaihtuah mawk hi. Hiai thil neuchik te tungtawn a hon nek lai un I niteng poimoh leh vanzat te tungah bangzah percent a Lawk (profit) di uam maw? Ngaihtuah tham ching kasa, I economy uh a niam toh kiton a I vanrate te uh Metropolitan city te a toh kibang om tuh lamdang saklouh ahi thei kei. I economy le Ei a zou nawn kei bang sakna ka nei hi, Vaite'n a ut hun hun ua hon puuk sih sak theiding khop in I gam sumdawnna leh niteng nek leh tak control vek uh ahi chihlouh theih ahikei. Eimi sumdawng te leng a hong hahpan uh hun mahmah ta hi in ngaihsun ing, Ei leh ei iki dawrh tuah theih na ding un eimi sumdawng ten, vaite customer zolsiam dan leh kamsiam chauh ahi itaksap uh. Eileh ei ki dawr ni, Nang tam na khotzoh leh nang ahausa pah di hiteh, kei a leitu in leng a man kigelhzah kon piak theihna dingin nang le hong hahpan in, Kidawn zang tuah ni uh. Vaite thagum a noh suah zoh ding lah ahi ngal kei ua, Ei leh ei kidawr in vanman a tawm theipen in kipe tuah le, awl awl in I Market I chih zensam uh en I control zou nawn pan ding uhi. Huchi in, Amaute leng awl in hong kihemkhe di ua, a om utlai, sumdawng te le vanman diktak in I zuak sak thei pan phet ding uhi.
Tunai zek in Sadar Hills Districthood demand pawl in Economic blockade hon bawlziak un Lamka leh a sehvel ah vanman khang nasa mah mah hi, Blockade omnung lah Dawrkai ten koimah a vanpolut lou pi in vanman khangsak aat aat uhi. A godown ua a stocksa te zuak hilai uh hingal si a? Hiai enkai dia kisa omsun Student orgn khat makaihna a Meeting neilai, Major Kiran, AR sepaih heutu makaihna Sumdawng te va pokhe mawk uh, Vaite leh vaite chu kihun thou sam mah unteh, huchi lou in le a hun di omzel thou ua maw? Eile mundang khawng a I va ki-iitluat bang uh hon leh phawksuah sak zozen hi. Van zuakte lamka khosung a thuneipen ahih un chu, a lei di ten a sakzah zah ua leidia kisak ngai sim bang hita veh o maw? Khangthak te khanglou ta ni, Consumer club leng a thu kia in neinawn kei ni. I neihsun sun pawlpi leh Organisation te a sep ding bang bang uh semsak thei ding in Hanchiam ni!!!!
| < Prev | Next > |
|---|
Connection, November 2011