Thursday, 27 October 2011 17:14
Kum bangzah hiam paisa akipan in I lamka Damdawi in pen Ahoihlam leh a Se-lam ing I niteng tanchinbu te ah hong kilang zel zel hi. I gam hoihlouh dan I theihchiatsa, Aneu apan a lianpen inle mitsiin sa in I gen thei uhi. Ahi inlah I gamsung bangziak a sia ahi chih I genchiang un, Moh khuk saktheih di khat leh nih omte ziak ahi ichi ua, lah a dikkim tuan kei a ki etchian thak uthuai ka sa mah mah hi.Lamka damdawi inn I genkhak chiang un, a sung a infrastructure, Staff leh Equipment te a kitaksap dan leh a hoihlouh na lam tampi I gen nainai sek uhi. Huchia zattaklou sa ihih leh bangziak a bawlhoihna ding a kiphin ngamlou ihi ua, Student organization khat lel kiphin a hunsak mai ding ihi ua hia? Civil society ten la bang gen di.? Gup thu bek puangsam le zo a ging leng ngaihzo maithei ahi. Iva zatngeilouh ziak ua ahoihna ding ki-phuut ngamlou hiding in gingta tinten mawk ing. A building nangawn le ginalou chik chik ngen ahi, himahleh a zattheih nim nem thou laisam hi. Blood bank leng a om a, kuaman' donation iva bawl keileh a bank a sisan koihding omlou ding mah ahi. Hiai teng, a zangtu di ten vazang in, a hoihlouh dan puangzak le banghiam kikhekna khat zo hon tun petmah ding ahi. Amun a mulou pi a, gintak thu toh bangmah sau pai theilou sek mah leng ana hidaih zel hi.
Huchia damdawi inn ginatlouh dan I theih kawm kawm un semtute haksatna tuah leng namen lou ding chih theihsa ahi. Himahleh, A sunga staff te nangawn inleng private Clinic a test tuam tuam ahih sak sek te uh ahiding mah hia? Asung a vanzat omlou hia? Ami ding omlou? Ngaihtuah tham ching ahi. Nitak sawtnung a Doctor ginatak leng omlou a, Nurse trainee te khawng lel muh a omchiang in, Damlou te lungmuanna sukha ahihziak in enkai thei omleh phatuam mah mah ding hi. Damlouh pen hiai hun in chi a deihthusam tel theihlouh ahih ziakin doctor bang le dakkal 24 sung om henla, Sisan leh Laboratory te bangle ahithei tan omsek le uh, mihing hinna tamsem humbit theizo lai ding uhi. Huchibang dinmun a ding ihih lai un, Private Clinic te sum-met bawlna lianpen ahon suak maimah hi. Private a thilhih kichi him him zo a meet zonna ahi. Mahni man na ding zen a asep uh leng gintak huai lou hi. Huaiziakin, Hiai bang thilte etkai theihna lampi om theipen chu, I district hospital uh puahphat loungal a lampi dang omlou hi.
Eilawi lakah siamna taktak leh kingak na taak din professional line lunggulh kitamlou a, I workshop hi'n lab te hita leh, khoihtam thu a siam kipum dim hi. A biiktak in damlouh na toh kisai khawngah pilvang in Trained Professional te mah ki etsak a, ki kepsak hoihpen ding in ka gingta hi. Hinna kichi lah sumhauh man a leitheih ahi mawk kei a, kimawlna leh kizilna a zat chi leng ahi samkei hi. Ahi, Blood group nangawn ahi kichian a hon etlouh ua, bloodbank tun nung a buaithak phing chih khawng zaw nak nop in anuam kei.
| Next > |
|---|
Connection, November 2011