Umuan Mahmah
Our Columnist - Umuan Mahmah
Monday, 21 May 2012 05:38
January kha sung hih koimun peuh a omte adi’n innsung leh khotang VAI sai na di’n lemtang mahmah suak hi. Naupang sikul kaite a dingin khawl laitak, Kumpi nasem te a dingin hun awl, Saptuam in Kumthak zangzou tawldam hun leh khualzin gamvak te a dingin innlam a om hun khat ahihman in. Huaiziakin tutung Lamka pai chuh huchibang lungsim nei ngen kiphutuah ahidiam ah niteng in veng teng phial ah innlan, naulan, moukha, kiteng, social work, moupi, adg.adg om hi. Tuabang kawmkal ah nungak helding neisa hilou a zongtawm te a dingin leng buaihuai ban mahmah hi. Tuchiang in Tuailai Pawl kichi bangleng Lapawl toh kizui sim chiatta uh ahihman in Lazil a kuan, Fellowship hoh, Tuailai kikhop, Bial veh, Committee, Lasa a kuan, adg.adg te ziakin nungak bangleng guk suisui masak a heldia kisak vak keileh a heldi muhlouh theih ana himawk chih ka chian mahmah ve.
Add a comment
Kumteng a innlam pai kihi ahihchia kim-leh-kianga thu kigengen te a taktak mah hihiam chih theihchet nop hun bangleng om hi. Tampi meltheih Khuga Dam ah khatvei hoh ngeingei ding tupna nei kahihman in nitaklam ninem kuan in Mata zuanin lawmte toh ka kuan uhi. Khuga Dam ahihleh a gendan un, tuni chiangin bangmah in zang phatuam naikei mah lehang, manphapi suahsak ding chih heutu masa te'n ana geeldan uh ahi. Gensau law lengle denchiah theihna bukimlou ahihman in kikai awk kha ningin.
Connection, November 2011