News

Name of the Project: “Daniel Scholarship”- initiated by BYF Bangalore

Daniel Scholarship a kichihna ziak - Valnou Daniel, taksa leh khalam a mi tungtuang, Pathian lau mi ahi. Kumpi Nebukanezzar in Babylon a kumthum sung siamsinna pe dia huaikhit kumpi’ nuai a semdia a telkhiatte’ lak a khat ahi. A hinkhua a haksatna leh khemna tampi a tuahte Pathian pina toh mualsuah thei hi. Hong lohching mahmah in Babulon gamsung a dinmun lianpen hon luah thei hi .Amah hinkhua ettontham kisa in I siamsin naupangte’ a dia hasotna hithei diinga lam-en in “Daniel Scholarship” chih min in Project kipankhia ahi.

Theme of the Project: Enabling the Capable

Introduction: Feb 5, 2011 a BYF Bangalore Committee Members meeting a thupukna bang in I Saptuam, Gam leh mite’ phattuampihdiing in School Naupang Scholarship Project pat ahi. Hiai in a tup pipen ahihleh I Saptuam School a naupang lehkhasiamthei mahmah himah leh khosakna haksa sate hanthawn leh tosawn ahi.

Khosakna haksa genchetna: Convention English School a siamsin, Class VIII competitive Examination a tel tengteng khosakna haksa category a huamsak vek ahi. Naupangte I minam’ maban uh ahi a, amau khalam leh salam khantouhna pen I mi-le-sa leh Saptuam pumpi’ a dia khantouhna ahi.

Objective of the Project: Siamsinna lam a khantouhna diing a sum-le-pai a phungvuh. (I Thessalonika 5:11)

Guidelines:

1. Convention English School Class-VIII Competitive Exam 2011 akipan a top 1&2 kiangah hiai Scholarship piak pat ahi diing.
2. Hiai scholarship mutu siamsin naupang 2 tegel in class XII ahihtan un akizom in Scholarship a mu diing uh.
3. Scholarship a muhzom theihna diing un CL-IX - XII Final/Promotional Examination(regardless of School/board)
ah a tawmpen a 70% a muh ngeingei diing ahi. 70% sanga tawmzaw a muh ngeingei leh a kumnawn a kipan in hiai Scholarship suktawp ahi diing.
4. Scholarship mutu siamsin naupang khamtheih chiing zongsang lou mi ahih diing ahi. Khamtheih zongsang ahi chih a kitheihkhiat a ahihleh a Scholarship suktawp ahi diing.
5. Guidelines No.1 to No.4, Daniel Scholarship project governing body in chiklaipeuh in a kul leh poimoh bang in a
kheeklamdang theidiing hi (behlap/pai thei diing hi). Himahleh tuabanga a kheek lamdang (behlap/paih) poimoh a sak chiang un EBCC Bangalore Local Upa Committee and Baptist Youth Felowship joint meeting phalna/approval a la masa teitei diing uhi.

Scholarship Amount: Rs.500.00/- (Rupees five hundred only) per month per person

PROJECT DANIEL SCHOLARSHIP KIPATDAN
5th February 2011:
BYFB Committee Member in Project Neih diing thupuk. Zodawn Siamsin Naupang a diak in Convention English School a siamsin naupangte focus biik hi hen chi a, Project Min, Guidelines leh bangkim hon draft diing in Project Drafting Committee hiai anuai a bang in form.
Amaute :
1. C K Lun Guite
2. Siama Valte
3. Vanglian Tombing
4. BYF Chairman & Secretary

21st February 2011:
Project Drafting Committee kipan ngal ua, Project Min, Project Theme, Introductory, Objective, Guideline leh bangkim draft fel ngal uh.

6th March 2011:
BYF Committee Member meeting kinei a, Project Drafting Committee in Poposa lhonluikhia ua etkhawmna leh kikupkhawmna kinei.Hoih huntawk mahmah hi a thei in kipom hi. Hiai meeting thupukna a kipan Project Min “Daniel Scholarship”ging pan ngal. (Vide BYF Comtt. Meeting 3veina, Agenda 3na-Thupukna3na)

13th March 2011:
BYF in Daniel Scholarship toh kisai, a thu bangkim toh Local Upa Committee in lemsakpih or lemsakpihlou hiam chih theisak diinga Ngetna lehkha kipelut.

17th April 2011:
Local Upa Committee in Daniel Scholarship final approval bawl.

27th April 2011:
BYF in Daniel Scholarship toh kisai a thu bangkim toh Director Of Institutions, EBC HQ (General Secretary leh Director tengteng copy in )kiangah Daniel Scholarship toh kisai ana veel detdet a, maban sawn hon lemsakpih or lemsakpihlou hiam chih theisak nawn diing a ngetna lehkha kithon.

3rd May 2011:
Director of Institutions, EBC akipan in dawnna kimu a – “Daniel Scholarship toh kisaina mail uh “PROPOSAL” kana mu ua, tuni 3rd May 2011in Central School Sub-Committee in meeting nei in sawtkuamtak kikupna kanei uhi. Na awlmohna uh leh kipiakna uh thupisa in minute book ah pahtakna chiamteh ahi. Resolution 4na ah Proposal non bawl uh hoih kisa a, kipahpihna chiamteh ahi. Maban next step ding nou lam apan bang omdia chih hong kigel un aw. Toupa leh I mi-le-sate na itna ziak ua hihtheih zahzah a panla diing a nakisakna uh hihbuching ngei diing in bangkim tunga thunei leh neitu in a vualzawlna chiteng in honvuk hen aw”
BYF Bangalore in tukum 2011 sung Project Daniel Scholarship enkai diing sub-committee ana phutkhia uhi. Office bearer leh members hiai a nuai-ate ahi uh.

Co-ordinator : Mr Thang Ginlun Valte
Secretary : Mr Lal Sanglyan Chuljaang
Finance Secretary : Mr Lianthansiam Valte
Treasurer : Mr Tuangsangmuan Valte
Members : Mr Songchinlian Vualnam
Mr Ginbiaksang Naulak
Mr Chinkhanlun Guite
Mr Tunzasiam Vualnam
Mr Ginvanglian Tombing
Mr Siamkhanthang Neihsial
Ms Chingboi Kamei
Ms ChingboiVualnam
Ms MuanchingTombing
Ms Biakching Langel
Ms KimboiTunglut
Local Upa Committee apan member 2

Amaute thumsakni, Pathian pina toh I Project toh kisai a fun drive lohchingtak leh lamzangtak a a paizom theihna diing in. Daniel Scholarship toh kisai doubt na neih leh hiai a tunga min kipiate khatpeuh kiangah dot theih diing a, huchilou kupnop na neih leh This e-mail address is being protected from spambots. You need JavaScript enabled to view it ah chiklaipeuh in ngaihdan kuptheih hi.

Detail Information na et ut leh Connection May 2011 ah download in et theih ding. 
Project Detail hiai ah download theih ding. Daniel_Scholarship

< Prev		Next >