ZCF-B IN “SUMMER MUSICAL EVENING” NEI DING

News

Monday, 16 May 2011 00:10
Written by Administrator
ZCF-B, I theih chiatsa mah bang in Sum muhna nak neilou, ki tou delh tou hamham ahih na ah, Property leh Sound System te tul thei mahmah ta mawk hi. Hiai te ki puah pha leh Biakna le tua sang mah in lim zo leh nuam zaw in I nei thei  diam chih  ngaihtuah na nasa tak mai ki nei hi. Huai kia leng hilou in Biakinn Rent ding suk tuah haksa sim mahmah hi. Huchi bang dinmun ahihna ah a hongtung ding June 12, 2011 nitaklam dak 4 apan dak 6 kikal hun sung in Zomi Christian Fellowship, Bangalore in I biakinn mun mah ah “Praise the LORD, my soul; all my inmost being, praise his holy name.” Psalm 103:1 chih thupi a nei in Summer Musical Evening (in aid of ZCF SOUND SYSTEM/PROPERTY) neih kisawm hi.

Hiai hun ah I lasa siam tuamtuam te’n lasak na nei ding ua, mipi hong pai khawm te apan in I ki phalna zahzah Sumle-pai kaih khawm na leh Pledge Card hawmna neih ki sawm hi. Hiai a lohchinna ding in nang leh kei ah ki nga a, Pathian gamna sepna ding a na ki phal zahzah ki  siit lou hial a ana ki ging ding in a thakthak in kon ngen uhi. Hiai toh kisai in June kha bul vel apan in Pledge Card hon ki hawm ding a, huai pen hiai ni in piak khawm theih ngal ding hi. Hiai hun a lohchinna ding in thumna ah phawk chiat ni.

ZCF-B in Emergency Fund kumteng a I kaihkhop te a vek in Rs 2 lacs val nei ta a, detail Finance Report mipi lak ah hong ki hawm khe pah ta ding hi. Himahleh hiai te Emergency Fund ahihna ah, ki zang thei lou suak hi.


< Prev   Next >