Hiai i website tungtawn in "nurse leh a nasepte uh banah Bangalore khopi sung a nurse zil theihna mun hoih ka sakte" gen ni. Nurse-te nasep leh Nurse i chih a khiatna in lianpi mah mah huap a, a na sep uh gen leh a khiatna diktak piak le thubaih hilou hi. Bangteng hileh Nurse i chih chiang in mi vantangin i ngaihtuahna a honglut masa pen bel damdoi inn a damlou kem a mi damdoi a kap chih hi suk pah hi. Huai kia hilou in, Nurse-te'n a sep uh leh a bawl uh banah a zil ding leh theih di uh tam petmah hi. Doctor-te thupiakte tengteng hihkhelh om hetlou a hih leh sep khiak di chih a hih na ah, doctor-te bangzet a theihna ngun poimoh mahmah uhi.
Nurse-te'n nasep pipen leh nasepna mun tuambik a nei tuan kei ua, a sep pipen un a huapkhak te bel damlou kep, khotang leh damloute leh a sungkuante uh natna apan, damlouh chiang a khamuan leh hanthawnna piak banah, damloute hun paisa a bangchi bang natna ana tuakngei uhiam, a natna ziakua muhtheih thilte (complaints) record bawl,
a complain dungzui ua a natna uh zonkhiak, damdoi lam vanzatte zatsiam, damloute etkol leh damdoi piak banah amaute akhonung a ki-etkolna sutzoptouh zel na di ah panpih leh kawkmuh chihte a sep uh a hih banah damlou kepna ah leng a damloute damlouh dan, damlou te din mun dungzui a adamlou milip om zah banah a ki kepna dia a mun leh a vanzat om te dungzui a gamtat leh asep di uh sepkhiak a kul hi.
(1) Padiatric or oncology Nurse:- Hiai padiatric nursing or oncology nurse i chih te'n naupang lak ah na sem ua naupang damloute kem in a nu leh pate uh leh a sungkuante uh a kep di dan sinsak in panpih uhi. Adik tak in bel naupang nurse chih di ahimai uhi. Oncology nursing i chih chia tumour(chibawk) leh cancer lam toh kisai a siamna bik nei nurse-te i gen na ahi. Amaute'n hiai bang natna neite radiation leh chemotherapy bang pia in en kol uhi.
(2) Ambulatory Care Nurse:- Hiai bang nurse ten a nasepte uh ahih leh damlouh na tuamtuam aki sukha a ki suliamte hospital a admit sese louh a Emergency Care leh Doctor te Clinic khawng ah damlou te kem in na sem uhi.
(3) Critical Care Nurse:- Hiai bang nursete'n damlou gim leh damlou ICU(Intensive Care Unit) a omte enkol in kem uhi. Amaute'n Cardiovascular, i huih dikna lam(Respiratory), Pulmonary failure, Emergency or trauma, heart attack leh strokes-te enkol in kem uhi. A hitak a gen in hinna beithei guih dinmun a lauhuai hun a damlou kem a om nurse-te gen na ahi.
(4) Emergency and Flight Nurse:- Hiai bang nurse ten damloute vanleng (helicopter) khawnga puakngai a omte pua in damdoi in a nai pen a kikepna om a kep din pua uhi.
(5) Holistic Nurse:- Hiai bang nurse-te'n i sapum a koi lai hiam vut vang a, a zutdam thoh a hihkei leh massage leh aroma gimnam tuamtuam zang in damlou enkol in kem uhi. Hiai bang nurse-te'n taksalam damlouhna ban ah lungsimlam leh khalam damlote kem diak uhi.
(6) Home Health Care Nurse:- Hiai bang nurse ten damlo a kiat zou a hospital apan pawt khete, accident a ki sukha te, nau neikhin te inn ah enkkol in kem uhi.
(7)Hospice and Palliative Care Nurse:- Hiai bang nurse-te'n damlou a gim a om sihngak a om, suk dam theihlouhte kem in a nathuak nopna pia in leh a panpih leh kep poimoh na lam tuamtuam ah panpih in kem uhi.
(8) Infusion Nurse:- Hiai bang nurse-te'n damloute damdoi piak, kap thoh, drips(glucose tui) infusion leh sisan piak ngaite sigui tungtawn a pia in enkol in kem uhi.
(9) Medical-Surgical Nurse:- Hiai bang nurse-te'n natna tuamtuam a na te, gentehna in a ki at te bang, khosik te bang, enkol in kem uhi.
(10) Occupational Health nurse:- Hiai bang nurse-te'n a sepna uh toh kisai a natna nei te, a sepna mun a ki sukha te banah a sepna mun ua natna leh damlouhna piangsak thei thil te en khia in a nasem tute a dia bitna a omtheih na din panla uhi.
(11)Perianesthesia Nurse:- Hiai bang nurse-te'n damlou a ki at ngai te naplup(anaesthesia) aki piak ma bang leh aki piak khit chiang in amaute enkol in kem uhi.
(12) Perioperative Nurse:- hiai bang nurse ten damlou te a ki at chiang chiang un a at tu doctor-te panpih in a doctor-te vanzat di pia bang leh damlou a sipawt khamngai te khaam in, a ki atna khui ngaite khui ua. hiai bang nurse lak a khen khat te plastic leh reconstructive surgery lam a siam bik le om uhi.
(13) Psychiatric Nurse:- Hiai bang nurse-te'n lungsimlam venglou ahih kei leh lungsimlam paisual te(personality and mood disorder) lak ah na sem in amau te enkol uhi.
(14) Radiologic Nurse:- Hiai bang nurse-te'n x-ray,ultrasound leh MRI ki lak na munte ah sem uhi.
(15)Rehabilitation Nurse:- Hiai bang nurse-te'n damlouhna leh damlouh jiak a zawngkhal zual leh zawngkhal den te( temporary or parmanent disablity)en kol in leh amaute lak ah na sem uhi.
(16) Addiction Nurse:- Hiai bang nurse-te'n damdoi khamtheih, zu leh a dang muamtheih leh dawn theih apan zongsang te kepdan a biktak in siamna nei ua amau te enkol in kem uhi.
(17) Developmental Disabilities Nurse:- Hiai bang nurse-te'n mi kep ngai a damlouh ziak hiam ahih kei leh a pianken a ann leh thil dang, mahni a ki nek didan theilou, pai theilou, ding theilou leh a taksapum a sahingte ban ah a hihtheih na lungsim lam zang theilou te lam ah siam na nei bik ua amau te lak ah sem uhi.
(18) Diadetes Management Nurse:- Hiai bang nurse-te'n blood sugar or zun khum lam nei te lak ah na sem uhi.
(19) Geriatrics Nurse:- Hiai bang nurse-te'n a kum a upat tak jiaka tek sia hi ta te lak ah na sem in pitek leh putek te en kol uhi.
Hiai a tung a point tampi a i piak Nurse chi tuam tuam leh a sep na mun uh leh sep tangpi te uh i gen ban ah a dang le chi tampi petmah om lai a huai te bel a sep uh leh a bawl uh taklang tuan lou in i vual suk him him ding-
1. Genetic Nurses
2. HIV/AIDS Nurses
3. Wound,ostomy,and continence Nurses
4. Cardiac and Vascular Nurses
5. Gastroenterology Nurse
6. Gynaecology Nurse
7. Nephrology Nurse
8. Neuroscience Nurse
9. Dermatology Nurse
10. Opthalmic Nurse
11. Orthopedic
12. Otorhinolaryngology Nurse
13. Transplant Nurse
14. Respiratory Nurse
15. Urology Nurse
16. Nurse Midwives
17. Forensic Nurse
18 Infection control Nurse
19. Nurse Administrator
Hiai a tunga nurse-te siam na bik(specialise) te na zil theih na din approved nurse na hih ngai dia bachalor or diploma or an associate degree na neih ngai hi. Indian Nursing Counsil dungzui in Nurse te working hour a tawmpen in dakkal 8 ahih ding ahi.
QUALIFICATION :
GNM(General Nursing an Midwifery)
10+2-Arts or science (preferable)
Duration of Training: 3 and a half years
Post Bsc Nursing
GNM+2yrs bond
Duration of Training: 2 years.
Basic Bsc Nursing
10+2- Science (compulsory)
Duration of Training: 4 years.
Msc Nursing
Degree in Basic or Post Bsc Nursing
Duration of Training: 2 years.
PhD Nursing
Msc (Specialize in any nursing)
BANGALORE A NURSING COLLEGE OM TE:
Bangalore a nurse zil na dia college a hoih a ka theih tampi te lak ah tamlou ka hon vualsuk zek ding.
1. St.John's medical college
2. Bhagwan Mahavir Jain Nursing College
3. St.Martha's Nursing college
4. Manipal Nursing Colege
5. Baptist Nursing college
6.St.Philomina's Nursing College
7.Ramaiah Nursing College
8.Chinmaya Nursing College
9.Hosmat Nursing College
Connection, November 2011