CAREER IN HAL (HINDUSTAN AERONAUTICS LIMITED)

User Rating: / 0
PoorBest 

~By Hlunminthang Guite | B.Tech

Engineer, HAL

HAL : A THUMAPI

Second world war lai a japanese force te hong hat mahmah pen in British te a su patau ta hi. Galdouna lenna leh a vanzatte uh ASIA a overhual (kepbit leh bawl hoih) zel ahih theih na din 1940 kum a Walchand Hirachand in Bangalore a aphut khiat, HINDUSTAN AIRCRAFT COMPANY chuh a hon belh bawl ta uhi. Atungin British sorkar in 1/3 stake chouh neih mahle uh 1942 kum tawp vel in a share teng hon tang gai phial ua, amanagement teng akhut uah hon lata uhi. HINDUSTAN AIRCRAFT COMPANY pen atung a Royal Indian airforce te lenna bawl na mun pen chuh World War 2 in Asia a US leh Britishte lenna Overhaul (bawlhoih leh kepbit) na munpi hong hita. Huchiin India in independence hon muh takin ah management pen India sorkar khut a piakkhiat ahong hita hi. Huchin HINDUSTAN AIRCRAFT COMPANY kichi pen HINDUSTAN AERONAUTICS LIMTED (HAL) chih hong hita hi.

Tuchiangin HAL pen Public sector (Govt. organisation), ministry of defence nuai a om , India gamsung mun 8 ah manufacturing division om hi. Huaite ahih leh Bangalore, Hyderabad, Kolkatta,Nasik, Lucknow, Kanpur , Koraput(orissa) leh Korwa(UP) ahi. Huai bak ah liaison office New Delhi, Mumbai leh khopi tuam tuam ah anei bok . Hiaiteng lakah Bangalore pen amunpi pen leh a Corporate office omna mun ahi. Permanent Employee leh Officer kigawm in total man power 35 thousand vel pha hi.

HAL pen India Defence Service te zat ding a lenna(AIRCRAFT) bawlna munpi leh a omsun ahi.a customer lianpen IAF(indian air force) ahi. Defence lampang bak ah HAL in lenna leh a van zat tuam tuam abawlkhiate khovel gam tuamtuam ah leng a export hi. huchilou in civilian leh state sorkar zat ding leng bawlkhiat nei hi.2007 kum in NAVARATNA status piak in aomta. NAVARATNA ahihleh INDIA sorkar in public sector hihhoih tungtuan chi a amuhte lak a apiak ahi. Company in hiai NAVARATNA status muhna ding in a performance ah akinga.Huaite ahihleh: net profit to net worth, total manpower cost to total cost of production or cost of services, PBDIT (Profit Before Depreciation, Interest and Taxes) to capital employed, PBDIT to turnover, EPS (Earning Per Share) leh inter-sectoral performance chihte ahi. Tulel in public sector 18 in NAVARATNA status anei ua. Huaite ahihleh ONGC, BHEL,HPCL,BEL, SAIL chihleh a dangdangte ahi uh. NAVARATNA status nei khempeuh in INDIA SORKAR phalna ngai sese lou in Rs 1000 Cr tan chiang amau a ut dandan un a invest thei uh.

Tulel a HAL in a bawlte hiaibang ahi(atangpi teng):

1. Russian Aircraft: Sukhoi-30 MK1, MIG-21(overhaul ), MIG-27(overhaul)

2.western aircraft: jaguar, Hawk MK-132

3. Helicopter: Druv(ALH), chetak, chetah leh lancer helicopter banah PTA(pilotless target aircraft).

4.Aerospace equipment: PSLV, GSLV leh space vehicle dangdang te part supply.

5. Export: lenna vanzat tuam tuam ets. engine, gearbox, door, under carriage etc te gam chituamtuam ah export hi. customer neih te lak a Boeing leh Airbus te alian deuh pen ahi uh.

6. Tulel a project pailellel te :Tejas-LCA(light combat aircraft), LCH(light combat helicopter), IJT(intermediate jet trainer ) chihte ahi.

HAL A SEPTHEIH NA DIA QUALIFICATION POIMOHTE:

TECHNICAL: Officer level a lut nadi a qualification niampen ahihleh B.Tech/B.E ahi. Branch ahihleh mechanical, electrical, electronics, computer,IT, aeronautics, production, metallurgy chihte ahi deuh. Kumteng in post awng om gige hi. ST quota a om banah ST te a din minimum qualification percentage 55% ahi. age relaxation le aom bok. Officer level a niampen grade 1 hi a, huchin promotion muh chiangun grade kal tou zel hi.

B.Tech/B.E qualification neite adin a lut dan chi thum om. Huaite ahihleh:

Technician( employee level) alut nadin Diploma (mechanical, electrical, electronics, computer,IT, aeronautics, production, metallurgy etc) leh ITI (fitter, welder, driller etc) certificate ngai hi.

NON-TECHNICAL: Human Resource lam a officer a sem ding in MBA(HR) qualification neite laak ahi uh. huchilou in apoimawh dan a zir in MBA(marketing) qualification neite leng laak ahi zel .

Finance lampang enkai ding a officer adeihte uh ahihleh MBA(finance), CA, M.Com etc qualification neite ahi uh.

HR leh Finance semding officer te leng Management trainee a laak ahi uh. written(specialization, GK,aptitude ) leh interview om. kumkhat training zoh chiah HR te personal officer(grade 2) hi ua, finance lam te finance officer(grade 2 ) hi uh. Management Trainee te training sung in apay uh grade 2 pay scale in kipan ngal a , himahleh HRA leh allowance bangzah hiam hamphatpih nailou uhi.

Payscale ahih leh public sector leh government organisation dangte tawh kibang veve ahi.

Hiai atung a post kigente bak ah post tuam tuam awng omte theih chet sem nadin hal-india.com a lut di ahi.

CAREER LAMPANG :

HAL ka join hih kalung tunna pen ahi chih di hikei mahle ka kisik tuan sam kei. Kana lut dan ahihleh amasa penin written test (Management Trainee post) ka pia hi. huai ah technical (specialization dan a zir. kei a mechanical) , aptitude leh GK paper om hi . huai ah kalohchin takin interview kapia hi. Interview ahih le technical leh HR ahi. kei kahihleh technical sang mah in HR lampang hon hah dawt zaw uh. hon dawt tangpi uh ahihleh: Introduce yourself, hobbies , what do u want in your life, why HAL? chihte khong ahi. Huchiin interview ah leng pajos deihsakna tawh kahong lohching hi.

Lohching ka hi chih ka theih tak in kakipak mah mah a , hileleng call letter ka muh in neu chik lung kiatna kanei hi. Aziak ahihleh ka posting nadia hon sehsak uh mun pen chik mah a ka hoh ngeilouh leh kamuh ngeilouh na mun , Korwa (Amethi, UP) ahi. Himahleh transfer muhtheih ahi chih ka theih takin hon hasuan mahmah a, huchiin ka jointa hi. Training in mun tuamtuam ah kapai ua ,ka posting na mun Korwa ah kha 4 vel ka om man a , huchin bangalore a transfer ka apply pen order hong suah takin bangalore lam zuan in lungawi takin kapaita hi. Tulel in Aircraft Division, HAL Bangalore ah ka posting hi. Huaiziak a kuapeuh HAL a sep lunglut na om uleh posting lampang pen buai huailua hilou hi.Transfer muh haksa lawlawm lou hi. transfer muh nadin department head te tungah leng kinga mahmah hi.

HAL a sep career adin ahoih mahmah ka chilou theikei. Public sector ahih ziak in hoihtaka training zoh a confirmation I muh naknak in chuh company sung a I dinmun pen stable mahmahta ding hi. Kimawk paih chihte khong omthei vetlou chih dan ahi. Job experience leng hoih mah mah hi. kum bangzah hiam sep nung chian company sponsore na nuai ah MBA,M.Tech chihte zirtouh theih hi. Department leh project I let khak dan leh a poimoh dan dungzui gamdangte bangah training din le kuankhiat theih zel hi. HAL a kumbangzah hiam experience neiten apawt san chiang un opportunity amu hoih thei mahmah uhi. Khenten foreign company te bang a post lian taktak leh poimawh taktak aleen uhi. Tulel in HAL India a Aerospace industry a alianpen himahleh tunung chian Boeing, Airbus , Honeywell leh aerospace industry dangdang ten industry hon setup hun uh hong tung ngei ding a , huai hun chian competition asang dia, HAL a semkha leh aerospace industry dang a experience neikha te demand hong sang mahmah ding hi. Huaiziakin Zomite lak a alut theichiangteng adin deihsak huai mahmah kasa.

Himahleh experience hoihtak neih na din ah posting na department ah ki nga mahmah zel hi. department chi tuamtuam tampi om ahih manin khenkhat a technical value input hoihtak ngah theinamun om, adang ah lah huchi tuan khollou chih khong in omthei hi. Private company a tamtak lawh dia sem ut hiam ahih kei leh gamdang a pai ut te bang ahihleh department experience hoihna mun deih tuan se uhi. Research and design, tooling,methods,shop floor, assembly chihte khong ah technical experience hoihtak department dangte sang in ngah theih zaw hi. export lama om khate diak houh gamdang zin khiak nadi chance hau thei mahmah uhi.Department rotation leng omzel, huai ziakin department khat a omdet chih leng hituan lou ahi. himahleh HAL a semden ut te adin department khat peuh peuh lungtung huai hi.

Growth/promotion lampang ahihleh angaihna ommahmah lou ihih zen keileh kum 4/5 dan khong in promotion omthei geih geih hi. performance ahoih mahmah a,i boss ten hon recommend ua ahihdiak leh kum tomchik sung in leng internal exam apan promotion muh pah theih geihgeih hi.Huai din itung ate toh relation hoihtak a kepbit poimawh.huchilou a promotion muhlouh di chihna bel hituanlou. huaiziakin Growth/promotion lampang ah patauh huai vak lou hi in kathei.

Asep lampang ahihleh Government organisation hiven chi a ngaih dau theih ahi kei. sep di tam thei mahmah hi. Financial year target: kumkhat a customer ten Aircraft , parts etc aphut zah uh suk pichin teitei sawm a ki sem ahih manin work pressure tam ut mahmah hi. department chih ki zom vek leh ki pangkhawm vek ahih man in hiai department te awl deuh uh chih di tamkei hi. Himahleh ana awl tuam deuh omthei tham hi. huaiziakin sep di atamleh tamlouh department ahleng kinga hi.Huchin ah target division chih in amuh dan dungzui in incentive leng omzel hi. department khenkhat assembly, shop floor chihte khong ngial ah sep di atam manin night shift bang leng om zel hi.

Numeite adin bang achi di? chih dotna omsek a , kei ngaih dan in ahihleh numei a din ahoih kei kachih nang katheikei. himahleh department khenkhat , shopfloor chihte khong pasal adia kilawm zodeuh omtham. himahleh numei fel adia manage zohlouh ding chihna hituan teuhlou. bangteng i efficiency a kinga ahi. Gender a khen theih hilou.Mel leh puam a leng khentheih hilou. I kuhkal a isep hoih naknakleh ki tuitum mai hi. HAL ah numei officer a exact figure pethei kei mang leng, 15% vel ahih ka gingta.

NOP LEH NOPLOUH DAN :

Khenten na sepna a nuam hia? chiin hon dawng zel ua. Ahaksa lua zaw chih di hituan kei mah leh. Nop vasak luat zezen nang di zaw katheikei.Nek zonna zaw koikoi ah hileh anuamsa din ki koih kei phot himhim le chih ka ngaihdan ahi. Anop khollou khenkhat ahihleh, gen mahbang a target nei a kisem ahih chiang a Sunday leh holiday ni bang akaingai chang tam. Full hour in vasem hikei lele suti ni khong a vaki lat zual poimawh hun tam. 6 days working hizomah. Sunday chouh suti kinei. huaiziak a eimite social activity a tel bangleng bangtan hiam a hon sukbuai chang om. Hilele gen mahbang a na pen i department a kinga ahih man a department teng huchia buai chu hituanlou.

Anopna lampang a gen di hileh chuh a job stability ahipen mai.Huaibak ah financial year bei tung khong a na tawm.suti ut dandan in lalele poi a sa di omlou hi zel. Leave pen kum khat a ni 42 (30 annual+12 casual) kinei ahih manin laak dan isiamleh social activity khong hoihtak a kizang theizel. huai banah medical facility khong ahoih a . HAL division omna mun teng phial ah HAL hospital oma. huai ah athawn a ei leh isung kuan pihte ki etsaktheih ahi. damdawi leng athawn ahi. hospital omlouh na mun a leng medical re-imburse ment om veve. huchilou facility tuam tuam atung a kigente bak ah LTC,HRA etc chite public sector leh government organisation dangte tawh kibang tangpi vek hi.