More in: Transcription, Nursing, HOSPITALITY, Central Govt., BPO industry, Retail/Marketing
Saturday, 17 October 2009 19:39
Khovel khantouh dung zui in Siamna leh pilna tuam tuam sin ding leh sepding a peih te a ding in ihmu man lou zen a sep ding om hi. Nidanglai chi zen sam le.. High School kai lai vel khawng ka ngaihtuah chiang in, hong tungkik thei leh chih ka ut tun tun hi. Bang hang hiam i chih chiang in,career leh Job prospects leh maban siamsinna ding kong kha ngaihtuah phak a le ki nei lou... Maban a sep theih leh hih theih ding theih a om sun chu BA zil ding, Sepaih lut ding leh Competitive exam a tel di chih teng ban bang mah ki thei kha vet lou hi. Hichi bang nimnem khawng a ana ki khosa tou ahih chiang a, i muh na le niam ahih chiang in i kiak na chu a niam di mah ahi chih ka ngaih tuah na khat ahi.
Ama in hiai bang ngaih tuah na ka nei ngei kei hi, bang ziak a hiai thu hon khonung ngaihtuah phiing ka hiam???? chih kei leh kei leng ka ki dot na lianpi khat ahi. A ziak hi pen dia ka theih ahih leh tukum June kha tawp lam vel a Pawl XII te result hong suah in ka Nii tate lak a lian pen in le Pass ahih dan hon hilh kawm in a lunglut na te hon gen in bang zil leng a hoih dia chih hon dong hi.
Bangjiak a kei a laisiam lou pen hon dong a dia aw?? A pute lak a maingal huai pen ka hih ziak a hon dot hia or Lawm te laisiam pi pi ka hauh ziak ........... Hiai teng khawng ngaih tuah kawm a ken le ka dot theih theih kiang a dong in Suggestion ka pei tei sam hi. Huchi kawm kal a Inn lam a mi tei bang zah hiam ten BA zilsak ding in a Nute a kun uhi... Taltak tak tak leh Khotang a mi et theih tan chiang te khawng gen zaw ei tangval (kumchinglou hon chi nuam phial uh) te gen tuh lei leh van a kikhai ahi ta mai hi.
Ka tupa pa lah a lunglut na tuam ahih ziak in BA zil in omzia nei lou ahih lam chian tak a thei kawm a kum 3 val bang a hun mangsak di chih a theih chiang in pammaih sa in a Nute kun din hon sawl hi.... Ken le ka hun neih lemchang masa pen a Ka Nii ka houpih leh Vailak zunthak toh kibang mai in a lungsim a na khauh khin ta... Zil nuam lou ahih leh zil dah hen la hichiin om mai heh... Nu leh Pa thumang lou chih toh, Huai ten le ka tate uh huai ah om a , huai zil un chin hoih a hoih ahi.. chi ua ken le huchih sawm ka hi... Nang a laisiam lou pen in bang a na theih... Hon chi a ken le himah e..... chi in ka kihouna uh chuh ka hunsak phot ahi.
Hiai thu mi admission lai a gelh di ka chih chiang a Ka sungkuan te ngoih ngoih in le ka siamna hon sit uh ahih chiang in chih ngaihtuah na nei kawm in ka dai thak hi.
Hiai bang thil te bang chia subei thei di i hiam? Ka tupa pan a tuah leh midang khat leh nih in le tuak di ahi... Mihing in thil i lunglut i zil leh Haksa a saklouh dan te chiangtak a kei mah experience a kamuh bang zah hiam om tak man in Midang ten le thei sam le uh a kikhel ma in chih ka deih sak hi. Ka laisiam louh pen a innkuan sung ua ka vualleh na himah leh Naupang siamsin lai te a dia lampi hon sak tu ahih theih na din ken le thu bang zah hiam ka taklang nuam hi. I gensa mah bang in I siamsinna inn te uah kha Career Guidance chih dan pian in Kumkhat in khatvei khawng Function hiam ahih kei leh mahni lemchan dan chiat in I mi I sa lak a ana etton tak, siamna tuam tuam nei leh thei te bang chial khawm in Maban Laizil theih tuam tuam te bang Explore pih le bang achi dia... Huai kia phet lou in Nu leh Pa ten le I tate bang lunglut ua bang kipahpih uhiam chih theih chet ngai mah mah hin ka thei hi.
A lunglut louh na uh zilsak tei tei le hang le a tawp chia bangmah lou, siam lah siam lou lah a min a degree hon neih chiang ua phatuam tuan lou hi. Sum sen lah kibang thou... Pammaih hilou hiam i sum sen te uh??? Neih val a laizil om din ka gingta kei a a na om hial tak uh leh lah thutuam. Ka gen nop pen tuh Solkal nna kia lou le nasep di tam lua... Solkal nna a hoih kei i chih na hilou in option khat in koih le tu leh tu a i dinmun uh sang in a gam changkang zo din ka gingta hi... Sum leh pai lampang in enta le Private company a sem ten le Govt. te a sang in a leh nih leh thum in loh nei ua.. Huai kia hilo in Nidang a i kinepna lian mah mah uh pension loh kichi bang le tulel a Govt. nasem te a om nawn lou hi.(paper khenkhat a ka muh) Huchi thou thou chu loh tampi loh in sumtampi khol le kibang thou hi lou hiam????
Keibang ngial tak Pawl X ka zoh a Computer zil ut a ka gen leh, Hun tam lua huai te sang in na laisim sim mai mai in hon chih san uhi... Huchia hun te hong pai zel in kei leng hih theih theih sem dia Bangalore Vangkhua kong tun suk chiang in sepna di om hon kawk muh chiang a le Ka 'RESUME' di ngial tak leng kon bawl theih louh chiang in min bang mah hon gen kei le uh leng ka zum petmah mai hi.. khut chin kawm a lut theih hileh.. a chih chih te uh le hichi kan ken teh.. Kam lampang lah chiamnuih gen a ham zung zung thei ahi chiang in. Eipau a pau chu kisiam petmah, Sappau a i pau chiang a a gammi ten thei dek lou uh... School kai lai a Talking in Mother Tongue chi a Last assembly teng a present gige khawng gah ahi ta diam maw??????? I va interview a lah... MTI, please come back after 3 months hon chi uh.. Hiai te teng teng khawng i laizil kawm a ina sin khiak khak louh chu a poilam ki thei hi... Laisiam te enhuai dan khawng Blu-Ray quality tuk a chiang a muh theih pen mai.. Loh i honnei a lah chu.. ei sang a siamzaw te loh na na chu amau loh seh nga suah seh khat le kiloh lou phial ahi.
Sepna hoihdeuh i deih leh computer bang hi hiam? bang chi ON di hiam chih tan bek zaw ana poimoh sam aka.. Hun sawt kuam Bangalore a ka om nung in Beer Cafe khat a ka sem a... A kihong thak ahih toh deihsak na ka tang a Bartender leh Billing hon hih sak sawm uhi. Ka sepna ua a neitu pan computer na siam hia hon chi a ... Dawn chu a haksa mai.. A mau et a fel mel kek kak.. siam lo di khawng a hon ging ta uh, banah billing na dia computer leisawm a a kisak laitak hizomah.. Dang awk tektek kawm a 'NO' i chih leh mit bem kil kel a hon en kawm in OK, a chi a, a zingchiang in Punching Machine khat hong tung ngal hi. Ka ngaihtuah chiang in ka zum lo pet mah hi, huchi in, hun awl ka neih teng in Cyber Cafe ah Dakkal nih leh thum bang ka va tuzel a kei leh kei a kong kizil chu .... Haksa khop mai... Manual tuam tuam et, a khen chia print khe sak( a neitu ten hon print sak uh ngai), Zum sim chem cham kawm a kha khat khawng i hong tut leh adan ki om deuh pan lel hi...
Bangjiak a hiai teng hon gelh deudou ka hia i chih leh Ka lazil lai a guide di hoihtak a na nei hileng, tua hichi lou di. I lunglut lam te uh zil thei chiat din kipanpih tuah leh I gam a laisiam tua sang in a tam zaw dia.. Laisim dia kuan a kuitung lou a kik chih a om nawn kei dia.. I gam hong khang dia. Milak a zumkawm tak a 'theilo' chih ngailou dia, maingal tak a sep di hong hi dia. Confident tak a lunglut lam sepdi ut lou kua om ken chia maw...
| < Prev | Next > |
|---|
ZPC Voice Sept '10